Павлодар облысының Қалқаман ауылында жайылып жүрген ірі қара мал төрт жасар қызға шабуыл жасады.
Қыздың әкесі қараусыз жайылып, баланы сүзіп алған сиыр иесіне шара қолдану үшін учаскелік полицияға хабарласқан.
Белгілі болғандай, қыз бала құмда басқа балалармен ойнап отырған. Ауылда бірнеше сиыр қараусыз жайылып жүргендіктен, екі көрші оларды бақшадан қуып шығып, қақпаны жауып алмақ болғанда, бір сиыр құмдағы балаларға жақындаған.
"Сиыр баланы мүйізімен көтеріп, лақтырып жіберген. Көршісі жүгіріп барып, жануарды қуып жіберген. Дереу облыстық полиция мен жедел жәрдем қызметкерлеріне хабарласқан", - деп хабарлады Павлодар облысы полиция департаментінің баспасөз қызметі.
Тәртіп сақшылары сиырдың иесін анықтап, мал бағу ережесін бұзғаны үшін айыппұл салды. Олар жануардың иесімен алдағы уақытта осындай бұзушылықтардың алдын алу туралы сөйлесті.
Жәбірленуші тарап материалдық және моральдық шығынды өтеу үшін азаматтық тәртіппен сотқа жүгінуге құқылы екендігі айиылған.
