Желіде тараған "1949 және 2010 жылдар аралығында өмірге келген қазақстандықтарға мемлекет 70 мың теңге төлейтіні" туралы ақпаратқа қатысты Еңбек және әлеуметтік қорғау министрлігі өкілдері пікір білдірді. Ведомство бұл қауесетті жоққа шығарды, деп хабарлайды turkystan.kz.
"1949-2010 жылдар аралығында туған Қазақстан азаматтарына 70 000 теңге аударылатыны туралы әлеуметтік желілер мен мессенджерлерде таратылып жатқан ақпарат шындыққа жанаспайды. Қаражатты аудару үшін белгісіз адамдар сілтемеге өтуді ұсынады.
Әлеуметтік көмектің мұндай түрі жоқ екенін хабарлаймыз. Тиісінше, көрсетілген сілтеме алаяқтар үшін азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін сілтемеге өтпеуге кеңес береміз. Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады. Азаматтардан тек ресми көздердегі ақпаратты пайдалануын сұраймыз. Жалған ақпарат тарату заңмен жазаланатынын естеріңізге саламыз", - деп мәлімдеді министрліктің бапсасөз қызметі.
