Батыс Қазақстан облысында Жәнібек пен Ингеловский станцияларының арасындағы учаскеде жолаушылар пойызы трактормен соқтығысты, деп хабарлайды turkystan.kz.
Оқиға 28 шілде күні шамамен 15:30-да болған. Нижневартовск – Астрахань бағытымен жүріп келе жатқан №148 пойыз өткелге жақындағанда, жолға кенеттен тіркемесі бар трактор шығып кеткен.
Машинист пойызды шұғыл тоқтатуға тырысқанымен, соқтығысудың алдын алу мүмкін болмады. Алдын ала мәліметтер бойынша, апат салдарынан локомотив зақымданған. Зардап шеккендер жоқ — ешкім медициналық көмекке жүгінбеген.
Оқиғаға байланысты үш жолаушылар пойызының қозғалысы кешікті: №148 Нижневартовск – Астрахань, №5 Астрахань – Мәскеу және №6 Мәскеу – Астрахань бағытындағы пойыздар. Ең ұзақ кідіріс шамамен 2,5 сағатты құрады.
