Қазақстанның ең үздік теннисшісі Елена Рыбакина әйелдер арасындағы WTA әлемдік рейтингінде 13-орыннан 12-орынға көтерілді, деп хабарлайды turkystan.kz.
Оның еншісінде 2806 ұпай бар. Бұл чехиялық теннисші Каролина Мухованың позициясынан айырылуына байланысты орын алды.
2025 жылғы 21 шілдедегі әлемдік рейтинг:
Арина Соболенко (Беларусь);
Кори Гауфф (АҚШ);
Ига Швёнтек (Польша);
Джессика Пегула (АҚШ);
Мирра Андреева (Ресей);
Чжэн Циньвэнь (Қытай);
Аманда Анисимова (АҚШ);
Мэдисон Киз (АҚШ);
Жасмин Паолини (Италия);
Паула Бадоса (Испания).
Бұған дейін Елена Рыбакина Уимблдон-2025 турниріндегі өнерін аяқтаған болатын — ол күтпеген жерден үшінші айналымда даниялық Клара Таусоннан ұтылып қалды. Матч екі сетте аяқталды — 6:7, 3:6.
Оған дейін Рыбакина армениялық Элина Аванесянды (49-орын) 6:2, 6:1 есебімен және грек теннисшісі Мария Саккариді (77-орын) 6:3, 6:1 есебімен сенімді түрде жеңген еді.
Бүгін, 21 шілде күні, Елена Рыбакина WTA 500 санатындағы Вашингтон турнирінде өз өнерін бастайды — ол британиялық Эмма Радуканумен жұптық сында қатысады. Ал жекелей сында Рыбакина үшінші нөмірлі теннисші ретінде екінші айналымнан жарыс жолын бастайды.
