Кәсіпқой бокстан IBF және WBO нұсқалары бойынша орта салмақтағы әлем чемпионы қазақстандық Жәнібек Әлімханұлының (17-0, 12 KO) Америка Құрама Штаттарында өтетін келесі жекпе-жегіне аттанды, деп хабарлайды baq.kz.
Спортшы Шымкенттегі №14 емдеу орталығында медициналық тексеруден өткенін айтып, дәрігерлерге алғысын білдірді.
Америкаға жолда – кезекті жекпе-жекке. Шымкент қаласындағы №14 емдеу орталығында кәсіби дәрігерлерден денсаулығымды тексертіп шықтым. Қызмет сапасы жоғары, заманауи медициналық жабдықтармен қамтамасыз етілген. Ақ халатты абзал жандарға көп рахмет! – деп жазды ол желіде.
Әзірге қарсылас аты аталмағанымен, Жәнібек Әлімханұлының АҚШ-та өтетін маңызды жекпе-жекке дайындалып жатқаны анық.
Айта кетейік, Жәнібек Әлімханұлы кәсіпқой рингте жеңілмеген жалғыз қазақ боксшыларының бірі. Оның рекорды – 17 жекпе-жек, 17 жеңіс, 12 нокаут. Соңғы рет ол 2025 жылғы сәуірде Астанада рингке шығып, француз Анауэль Нгамиссенгіні 5-раундта нокаутпен ұтты.
