Жамбыл облысында дәрігерлер қайтыс болған донордан бірнеше ағзаны алу бойынша бірегей операция жүргізді. Бірден бірнеше науқас өмір сүруге мүмкіндік алды, деп хабарлайды turkystan.kz.
1976 жылы туған науқас ауыр жағдайда ауруханаға түсті. Диагноз: ми қан айналымының жіті бұзылуы және миға кең көлемді қан құйылу.
Дәрігерлердің бар күш-жігеріне қарамастан, оны аман алып қалу мүмкін болмады – ми өлімі тіркелді. Отбасынан келісім алынған соң, адамгершілікке толы шешім қабылданды: ағзаларды шұғыл түрде трансплантация қажет ететін жандарға сыйлау.
Жүрек шұғыл түрде Шымкентке жеткізілді – ол жас пациентке трансплантацияланды.
Бауыр мен бүйректер Астанаға жөнелтіліп, олар да өзге науқастарға сәтті ауыстырылды.
Бұл бірегей операция Республикалық трансплантация орталығының, ҚР Денсаулық сақтау министрлігінің ВТМУ, Жамбыл облыстық ауруханасының нақты үйлесімді жұмысының және Астана мен Шымкенттегі жетекші клиникалардың қатысуының арқасында мүмкін болды.
Операцияға «Ұлттық ғылыми онкология орталығы» ЖШС, University Medical Center Жүрек орталығы, Шымкент қаласының Жүрек орталығы және Астананың медициналық авиация мамандары қатысты.
