Әнші Құрмаш Махан 2000-жылдары қоштасқан махаббатына әлі де ән арнап жүргенін жасырмады, соңғысын жақында жазған екен, бұл туралы ол "Хабар" арнасындағы "Алғашқы" бағдарламасында айтты.
Дегенмен, композитор енді бұрынғы сезіміне ән арнауға ниеті жоқ екенін айтты.
"Мен сол адамды ойлап, қайғыруды артта қалдырдым. Қазір мен бақыттымын, өз өмірлік серігімді таптым. Барлығы Құдайдың қолында, бәрі өз уақытында жүзеге асты. Ең бастысы, баянсыз махаббаттың себептерін түсіндім. Ол қыздың басқа адамға тұрмысқа шығатынын білдім, менің де өз жан серігім бар. Енді біз әрқайсымыздың сүйгенімізге қосылып, бақытты өмір кешеміз", – деді әнші.
Оның қазіргі жары осы баянсыз махаббат пен әндердің тарихын жақсы біледі және оған түсіністікпен қарайды. Әнші қазіргі әйелін 40 жыл бойы іздегенін, тіпті осы үмітсіз шақтарында арнайы ән жазғанын айтты.
"Ол мені түсінді. Біз бақыттымыз. Үйленгеннен кейін өмірімнің барлығын ашық айттым. Ол кезде келіншегім: 'Неге бұрынғысыңа үйленбедіңіз?' деп әзілдеді. Мен оған: 'Егер онымен үйленсем, саған үйленуім мүмкін емес еді' дедім. Оның шынайы адами қасиеті маған ұнайды. Мен оны жақсы көрдім, сүйдім. Сөйтіп үйлендім," – деді әнші.
