Ресей мен Қытай бірігіп, Айда электр станциясын салғалы жатыр. Бұл туралы "Роскосмос" мемлекеттік корпорациясы хабарлады, деп жазды РИА Новости.
"Роскосмос пен Қытай Ұлттық ғарыш әкімшілігі ай электр станциясын құру бойынша ынтымақтастық туралы Меморандумға қол қойды", - делінген хабарламада.
Меморандумға 8 мамырда Ресей президенті Владимир Путиннің Қытай Халық Республикасының төрағасы Си Цзиньпинмен кездесуі кезінде қол қойылды.
"Ресей электр станциясы 2036 жылға қарай құрылатын Халықаралық ғылыми ай станциясының жобасына маңызды үлес қосады", - деп толықтырды Роскосмос.
Халықаралық ғылыми ай станциясын ұзақ мерзімді пилотсыз пайдалану үшін станцияда іргелі ғарыштық зерттеулер мен технологияларды тексеру жұмыстары жүргізіледі.
Ай станциясын құру жөніндегі Ресей - Қытай жобасына 13 ел қосылды.
Бұған дейін "Роскосмос" бас директоры Дмитрий Баканов халықаралық ай станциясын құру жобасы аясында электр станциясын айдың бетіне орналастыру жоспарланғанын айтқан болатын.
