Айыппұл қоршаған ортаға зиян келтіргені үшін салынған, деп хабарлайды turkystan.kz.
Батыс Қазақстан облысының мамандандырылған табиғат қорғау прокуратурасы «Қарашығанақ Петролеум Оперейтинг Б.В.» АҚ (бұдан әрі - Компания) жұмысын тексеріп, қоршаған ортаға нормативтен тыс ластаушы заттар мен төгінділер шығарылғанын, жалпы көлемі 264 тонна болатынын анықтаған.
Осыған байланысты қадағалау актісі бойынша Компания ӘҚБтК-нің 328-бабы бойынша әкімшілік жауапкершілікке тартылды (Қоршаған ортаға жол берілетін антропогендік әсер ету нормативтерін бұзу).
Жалпы сомасы 739 568 808 теңгеге айыппұлдар толығымен өндірілді.
