Енді ескі автокөлік немесе ауыл шаруашылығы техникасын өткізу арқылы 2 миллион теңгеге дейінгі жеңілдік сертификатын алуға мүмкіндік бар, деп хабарлайды turkystan.kz.
Бұл бастама – Экология және табиғи ресурстар министрлігі ұсынған, ескі көліктерді кәдеге жаратуға бағытталған мемлекеттік бағдарлама аясында жүзеге асырылмақ. Бағдарламаның операторы – "Жасыл даму" АҚ.
Қалай қатысуға болады?
Бағдарламаға қатысу екі кезеңнен тұрады:
1.Құжаттарды дайындау және онлайн өтінім беру
Қатысушы жеке куәлік, көлік тіркеу куәлігі және тексеру актісін жинақтап, "Жасыл даму" АҚ-ның онлайн платформасына өтінім тапсыруы қажет.
2.Техниканы тапсыру
Құжаттар тексерілген соң және көліктің бөлшектері толық екені расталса, қатысушы техниканы арнайы қабылдау пунктіне өзі апарып өткізеді.
"Жасыл даму" компаниясының мәліметінше, алғашқы кезең тек ескі көліктерді қабылдайтын кәсіпорындар анықталған соң басталады. Қабылдау пункттерінің нақты мекенжайлары мен толық тізімі ресми сайтта жарияланатын болады.
Қажетті құжаттар тізімі (жеке тұлғалар үшін):
- Жеке куәлік немесе паспорт көшірмесі;
- Бағдарлама бойынша көлікті тіркеуден шығару туралы анықтама;
- Нотариалды куәландырылған келісімдер: жұбайының рұқсаты, неке туралы куәлік, жеке куәлік көшірмесі немесе меншік иесінің некеде еместігі туралы өтініш.
Жеңілдік сертификаты туралы
Автокөлік пен арнайы техниканы тапсырған азаматтарға жеңілдік сертификаты беріледі. Бұл сертификатты жаңа көлік немесе техника сатып алуда қолдануға болады.
Сертификаттың ерекшеліктері:
- Үш ретке дейін басқа адамға беруге болады;
- Басқа адамға берілгенімен, жарамдылық мерзімі өзгермейді;
- Бір көлікке 2, ал бір ауыл шаруашылығы техникасына 4 сертификатқа дейін жинақтауға болады.
2024 жылға арналған жеңілдік сертификатының мөлшері
