4 сәуір күні төтенше жағдайлар департаментіне Жасыбай орман шаруашылығында құрғақ шөптің өртеніп жатқаны туралы хабарлама түскен, деп хабарлады turkystan.kz stan.kz-ке сілтеме жасап.
Павлодар облысының Баянауыл ауданында дала өрті сөндірілуде.
"Өртті сөндіруге ТЖД, орман шаруашылығы, "Қазавиорманқорғау" және Жасыбай орман шаруашылығының күштері мен құралдары тартылды. Қазіргі уақытта өртті ауыздықтауға шамамен 70 адам мен 20-дан астам техника жұмылдырылған. Өртті сөндіруге екпінді жел мен оттың тез таралуына әсер ететін құрғақ шөптің мол мөлшері қиындатып отыр", – делінген хабарламада.
Оқиға орнына Павлодар облыстық ТЖД басшылығы мен әкімдік өкілдері барды. ТЖМ мен облыстық ТЖД-ның басқару орталығында жедел штаб құрылды.
"Өрт болған аумаққа қосымша 38 қызметкер мен 11 техникадан тұратын колонна жөнелтілді. Жағдай ерекше бақылауға алынды", – делінген департамент хабарламада.
