Дубайдың шөл даласында 12 турист мінген әуе шары құлап, екі адам сол жерде көз жұмды, деп хабарлайды turkystan.kz.
12 адам шөл даланы шарлап, көктен тамашалау үшін таң ата бір сағаттық экскурсияға аттанған. Ұшатын биіктік 1,2 шақырымды құрауы тиіс болған.
Алайда шар көтерілгеннен кейін шайқала бастаған. Әуе шарында болған ресейлік туристердің айтуынша 40 минут ұшқаннан кейін шар шайқалып, бір жағына қисайып, құлап түскен. Бір ер мен бір әйел сол жерде көз жұмған. Қалған туристер түрлі жарақатпен ауруханаға жеткізілді. Арасында жағдайы ауырлары да бар.
