Түркістан облысында мақта-тоқыма кластері құрылмақ

Үкімет басшысы Олжас Бектенов Қытай­дың Xinjiang Lihua (Group) Co., Ltd ком­па­ниясы директорлар кеңесінің төрағасы Чжан Цихаймен кездесіп, екіжақты ынты­мақ­тастық аясында жүзеге асырылып жат­қан инвестициялық жобаларды талқылады.
Кездесуде Түркістан облысында TURAN ар­найы экономикалық аймағында мақта-то­қыма кластерін құру жөніндегі ірі инвес­ти­циялық жобаның іске асырылу барысы қарал­ды. Бұл жоба екі ел арасындағы сауда-эко­номикалық қатынастарды жаңа деңгейге кө­теріп, Қазақстанның жеңіл өнеркәсіп са­ла­сындағы әлеуетін кеңейтуге мүмкіндік береді.
Жоба мақта шаруашылығынан бастап дайын өнім шығаруға дейінгі толық өндіріс­тік циклды қамтиды. Атап айтқанда, 50 мың гектар жерге мақта өсіріліп, 10 зауыттың құры­лысы жоспарланып отыр. Оның ішінде 4 зауыт мақтаны өңдеуге бағытталса, тағы   2 кә­сіпорын заманауи су үнемдеу техноло­гия­ла­рын қолдана отырып, тамшылатып суару жүйелерін өндіреді. Сонымен қатар тігін және бояу-әрлеу фабрикаларын қоса алған­да, 4 тоқыма зауыты іске қосылады. Инвес­ти­ция көлемі 200 млрд теңгеден асады, ал бұл өз кезегінде 4 мыңнан астам жұмыс ор­нын құруға мүмкіндік береді.
Бүгінде кластердің инфрақұрылымдық не­гізі қаланып, ПВХ құбырларын шығаратын зауыт іске қосылды. Сондай-ақ тоқыма фаб­ри­каларының құрылысы басталып, суару инф­рақұрылымын дамыту жұмыстары жүр­гізілу­де. Қытайлық инвестор Чжан Цихай Қа­зақстандағы қолайлы инвестициялық ахуал­ды жоғары бағалап, өңірдің климаттық ерек­шеліктері жобаның тиімділігіне оң әсер ете­тінін атап өтті. Оның айтуынша, 2025 жыл­ғы қазанда алғашқы дайын өнім шы­ғарыл­м­ақ.
Премьер-Министр Олжас Бектенов бұл жо­баның тек экономикалық қана емес, әлеу­меттік маңыздылығын да атап өтті. Түр­кі­стан облысы – Қазақстандағы жалғыз мақта өсіре­тін өңір, ал осы саладағы өндірісті те­рең­дету экс­порттық әлеуетті арттыруға мүм­кіндік береді.
– Мемлекет басшысы экономиканы әр­тараптандыру және нақты секторға инвес­ти­ция тарту міндетін қойды. Бұл жоба Қа­зақ­станның өңдеу өнеркәсібін дамытуға, өнім­нің қосылған құнын арттыруға және ауыл шаруа­шылығы саласын жаңа деңгейге кө­теруге мүмкіндік береді. Үкімет өз тара­пы­нан бар­лық қажетті қолдауды көрсетеді, – деді Пре­мьер-Министр.
Аталған жобаның жүзеге асырылуы Қа­зақстан мен Қытай арасындағы эко­но­ми­ка­лық әріптестіктің одан әрі тереңдей тү­се­тінін көрсетеді. Xinjiang Lihua (Group) Co., Ltd – Қытайдың мақта өнеркәсібіндегі ірі кә­сіпорындардың бірі. Компания тұқым өсіру­ден бастап, дайын тоқыма өнімдерін шы­ғаруға дейінгі толық өндірістік циклды бас­қаруға маманданған. Бұл ынтымақтастық екі ел арасындағы сауда байланыстарын жаңа деңгейге шығарып, жеңіл өнеркәсіптің екінші тынысын ашатынына сенім мол.