Актер Шәріп Серік сүйіктісі Әлия Бутееваны соққыға жыққанын мойындап, іс-әрекеті үшін ел алдында кешірім сұрады, деп хабарлады turkystan.kz.
«Мен зорлық-зомбылыққа қарсымын. Өкінішке қарай, лифтідегі Әлия Бутееваны қатты күшпен шығарып алған бейнежазбаны бәріңіз көрдіңіздер. Өз іс-әрекетімді ақтағым келмейді. Заң аясында қатаң түрде жазамды алуға дайынмын. Ұрыс-керіс кезіндегі ашу-ыза бәрімізге таныс деп ойлаймын, бірақ менің қателігімді қайталамаңыздар. Мен Әлияның бетінен ұрып жібергенімді мойындаймын. Осы үшін Әлиядан, және оның отбасынан кешірім сұраймын!», - деді актер.
Айта кетейік, бұған дейін актердің экс-сүйіктісі Әлия Ботеева одан қорлық көргенін мәлімдеген болатын. Кейін Səlem Entertainment компаниясы Шәріп Серікпен келісімшартты бұзғанын хабарлап, бұл әрекетінен кейін «қара тізімге» енгізілгенін айтты.
