«Центргеолсъемка» ЖШС Құйрықтыкөл учаскесінде шамамен млн тоннаны құрайтын сирек жер металдарының үлкен ресурстары бар аймақтарды анықтады, деп хабарлады turkystan.kz.
Бұл туралы Өнеркәсіп және құрылыс министрлігі мәлім етті.
Құйрықтыкөл учаскесі Қарағанды облысы Қарқаралы ауданында орналасқан.
Қолда бар материалдарды талдағаннан кейін Жаңа Қазақстан атты өте үлкен болжамды ауданы қосымша анықталып, алдын ала бағаланды. Жаңа Қазақстан ауданы Құйрықтыкөл учаскесін түгелдей дерлік қамтиды және барлық геологиялық алғышарттар тұрғысынан перспективалы.
Жаңа Қазақстан ауданының 300 метр тереңдіктегі сирек жер металдарының жалпы болжамды қоры 20 млн тоннадан асады. Сирек жер элементтерінің орташа мөлшері шамамен 700 г/т құрайды.
Қазақстанда сирек жерді кен жайылудың мұндай түрінің аналогтары жоқ, бұл оны жаңа өнеркәсіптік типке жатқызуға мүмкіндік береді.
Анықталған сирек жер кен орындары мен перспективалық учаскелер, егер одан әрі расталса, болашақта Қазақстанды сирек жер элементтерінің қоры бойынша әлемде жетекші орынға шығаруы мүмкін. Кенді байыту технологиясын және бағалы компоненттерді өндіруді табысты дамыту өңірдің инвестициялық тартымдылығы мен экономикалық дамуына әсер етеді.
