Қазір көп тағамға майонез қосылады. Майонездің зияны туралы да жазба жетерлік. Десе де салатқа қосып немесе бутербродқа жағып жатқанда оның пайдасы я болмаса зияны жайлы ешкім ойланып жатпас. Шынында оның пайдасы да, зияны да бар. Майонезден бас тартпай-ақ, аз мөлшерде тұтыну – денсаулыққа айтарлықтай зиян тигізбейді. Тек барынша құрамында химиясы, қоспасы аз майонез түрін таңдай білу керек.
Пайдасы
Дәмінен бөлек, майонез майлар мен антиоксиданттарға қаныққан дәрумендерге бай. Оның бәрі ағзаға жақсы әсер етеді. Тіпті майлылығы мен жоғары калориясы көбірек күш-қуат жинауға көмектеседі.
Зияны
Бақшада өсірілген, қолдан әзірленген өнім емес, өнеркәсіптік жолмен дайындалғандықтан оның құрамында модификаторлар мен консерваторлар да жеткілікті. Бұл жерде майонездің барынша пайдалырағын таңдау үшін оның бағасына қарайсыз. Майлылығы мен табиғилығы жоғары болса – құрамында химиясы да аз деген сөз. Сәйкесінше майлылығы жоғары болған сайын бағасы да қымбатырақ.
