Алматыда жеті жастағы қызды жүк көлігі басып кетіп, мерт қылды, деп хабарлады turkystan.kz.
Алматы қаласы Полиция департаментінің мәліметінше, жол-көлік оқиғасы бүгін Алатау ауданында сағат 12:18-де болған.
Жүк көлігі Бурундайская көшесімен батыс бағытта келе жатып Новая көшесінің қиылысында жолдан өтіп бара жатқан 7 жастағы қызды басып кеткен.
«Өкінішке қарай, бала оқиға орнында қайтыс болды. Адамның өліміне әкеп соққан жол-көлік оқиғасы фактісі бойынша қылмыстық іс қозғалды. Ол бойынша сараптамалық зерттеулер жүргізіледі», — деп хабарлады департаменттен.
