Наркобизнеске тиесілі 600-ден астам банк шоты бұғатталды
Алматы облысының Полиция департаменті өңірде есірткіге қарсы жүргізіліп жатқан шаралар туралы мәлімдеді.
Ведомствоның мәліметінше, облыс аумағында үш есірткі зертханасы анықталған. Сондай-ақ есірткі сатумен айналысатын интернет-дүкендердің қаржы арналарын бұғаттау жұмыстары жүргізілуде.
Наркобизнеске тиесілі 600-ден астам банк шоты бұғатталып, жалпы көлемі 18 миллион теңгеге жуық қаражаттың қозғалысы тоқтатылған.
