Синоптиктер 30 наурызға арналған ауа райы болжамын және қауіпті метеорологиялық құбылыстар туралы мәліметті жариялады.
Мәлімет бойынша, Қазақстан аумағының басым бөлігінде ауқымды антициклон ықпалы сақталып, жауын-шашынсыз ауа райы күтіледі.
“Тек елдің оңтүстігінде, оңтүстік-шығысында және батысында атмосфералық фронттардың өтуіне байланысты түнде жауын-шашын, ал күндіз жаңбыр жауады,” – деп хабарлады “Қазгидромет” РМК.
Сонымен қатар шығыс және оңтүстік-шығыста желдің күшеюі, шығыста – шаңды дауыл, ал батыс, оңтүстік, оңтүстік-шығыс және орталық өңірлерде тұман күтіледі.
Астана: Күн құбылмалы, жауын-шашынсыз. Оңтүстік-шығыстан соғатын желдің жылдамдығы 3-8 м/с. Температура түнде -1…-3°C, күндіз +10…+12°C.
Алматы: Күн құбылмалы, жауын-шашынсыз, тұман күтіледі. Шығыстан соғатын желдің жылдамдығы 3-8 м/с. Температура түнде +1…+3°C, күндіз +10…+12°C.
Шымкент: Күн құбылмалы, жауын-шашынсыз. Оңтүстік-шығыстан соғатын желдің жылдамдығы 5-10 м/с. Температура түнде +1…+3°C, күндіз +17…+19°C.
