Қызылорданың Тасбөгет ауылында ер адам ауруханада әйелін дәрігерден қызғанып, сабап тастаған, деп хабарлайды turkystan.kz.
Зардап шеккен әйел ауруханаға ерінің порталдағы кезегі туралы білу үшін келген. Алайда дәрігер оның күйеуіне қоңырау соғып, ауруханаға шақыртқан. Ашуланған күйеуі ауруханаға келіп, әйелін сол жерде соққыға жыққан. Әйелдің екі қабырғасы зақымдалған.
«Менің әйелім, менің отбасым. Бұл менің отбасымның шаруасы», - деген ер адам.
Әйелдің өзі ауруханада санитар болып жұмыс істеген. Ерлі-зайыптылардың екі баласы бар.
Қызылорда облысының полициясы денсаулыққа қасақана орташа зақым келтіру фактісі бойынша қылмыстық іс қозғағанын хабарлады.
«Жәбірленуші екі баласымен Дағдарыс орталығына орналастырылды. Оларға жан-жақты психологиялық, құқықтық және әлеуметтік көмек көрсетіліп жатыр», – деді полиция.
