Полицияға оннан астам адам шағымданғанымен, оның алаяқтығынан зардап шеккендер бұдан көп болуы мүмкін.
Елордада 30 жастағы жігіт оннан астам адамды алдаған, деп хабарлайды turkystan.kz.
Ол таныстары бар екенін айтып, Астанадағы спорт залдарының біріне арзан абонемент алып беремін деп уәде еткен. Жәбірленушілер оған 150 мың теңгеге дейін қаражат берген.
Полицияға оннан астам адам шағымданғанымен, оның алаяқтығынан зардап шеккендер бұдан көп болуы мүмкін.
Жедел-іздестіру барысында күдікті азамат ұсталып, кінәсін мойындады.
Оның алаяқтығы бойынша оннан астам эпизод бар.
Қазір ҚР қылмыстық кодексінің 190-бабы (Алаяқтық) бойынша тергеу жұмыстары жүргізіліп жатыр.
Полицейлер азаматтарға күмәнді ұсыныстарға сенбеуді және бейтаныс адамдарға ақша аудармауды ескертеді.
