2016 жылғы Олимпиада чемпионы Данияр Елеусінов Дана Уайттың жаңа бокс ұйымында алғашқы қазақстандық боксшы атанды, деп хабарлады turkystan.kz.
Бұл туралы UFC президенті Дана Уайт пен Аль аш-Шейх әлеуметтік желілерде жарияланған видеода мәлімдеген.
Ұйымның алғашқы шарасы 2026 жылы өтеді. Лиганың атауы әзірге жарияланбады.
Данияр Елеусінов – орта салмақ дәрежесінде жұдырықтасатын қазақстандық кәсіпқой боксшы, 2016 жылғы Олимпиада чемпионы, 2013 жылғы әлем чемпионы, 2010 және 2014 жылдардағы Азия ойындарының екі дүркін чемпионы, 2013 және 2015 жылдардағы Азия чемпионы (әуесқой бокста).
Кәсіпқойлар арасында Елеусінов IBF Inter-Continental нұсқасы бойынша қазіргі әлем чемпионы және IBO нұсқасы бойынша орта салмақтағы әлем чемпионы.
Бұған дейін TKO Group компаниясы, оған UFC және WWE кіреді, Сауд Арабиясы ойын-сауық басқармасының жетекшісі Турки Аль аш-Шейхпен жаңа бокс ұйымын құру жөнінде көпжылдық келісімшартқа қол қойғаны туралы хабарланған болатын.
