153
Түркістан облысында ұрланған 41 мал иесіне қайтарылды
Жалпы саны 71 бас мал ұрланған.
Түркістан облысының полициясы ұрланған 41 бас малды иесіне қайтарды, деп хабарлайды turkystan.kz.
Жыл басынан бері өңірде мал ұрлығына қатысты 13 факті тіркелген. Соның ішінде 10 қылмыс ашылған. Ұрланған 71 бас малдың 41-і иелеріне қайтарылды.
Сондай-ақ облыс аумағында мал ұрлығын жасаған 14 қылмыскер ұсталды.
Мал ұрлығын кәсіп еткен 4 қылмыстық топтың жолы кесілді.
ҚР ІІМ-нің 2024-2026 жылдарға арналған ұрлыққа қарсы іс-қимыл бағдарламасы жоспарының тармақтарын орындау шеңберінде Түркістан облысының полицейлері қарқынды қызмет атқаруда.
