Күдіктіге қатысты бұлтартпау шарасы тағайындалды.
Қостанай облысының Полиция департаменті есірткі заттарын сақтады деген күдікпен ер адамды ұстады, – деп хабарлайды turkystan.kz.
Жүргізілген жедел-іздестіру шараларының нәтижесінде оның Рудныйға есірткі заттарын жеткізу каналын ұйымдастырғаны және оларды есірткі тұтынушыларға аз мөлшерде өткізумен айналысқаны анықталды.
Тінту барысында оның үйінен жасыл түсті заты бар 124 қағаз орамы, жасыл түсті заты бар 4 полиэтилен пакеті және электрондық таразы тәркіленді.
Сараптама көрсеткендей, тәркіленген зат - 8 келіге жуық гашиш.
Күдіктіге қатысты бұлтартпау шарасы тағайындалды.
Есірткі заттарын сақтау фактісі бойынша полицейлер сотқа дейінгі тергеп-тексеруді бастады. Қылмыстың барлық мән-жайын анықтау үшін шаралар қабылданып жатыр.
