2 наурыз, жексенбі күні Қазақстанның бірнеше өңірінде қолайсыз ауа райына байланысты дауылды ескерту жарияланды.
Ақмола облысы мен Астанада – тұман күтіледі.
Қызылорда облысының солтүстігінде түнде қатты қар жауып, бұрқасын болады. Солтүстік, шығыс және орталық аудандарында тұман түседі. Шығыс пен орталық бөлікте көктайғақкүтіледі. Қызылорда қаласында кей уақыттарда тұман және көктайғақ болуы мүмкін.
Маңғыстау облысында қар жауып, көктайғақ болады. Түнде және таңертең оңтүстігі мен солтүстігінде тұман түсуі мүмкін. Күндіз батыс, солтүстік және орталық аймақтардабұрқасын көтеріліп, желдің екпіні 15-20 м/с дейін күшейеді. Солтүстік-шығыста түнде -20-22°С қатты аяз күтіледі. Ақтауда қар жауып, көктайғақ болады, күндіз боран соғады. Желдің жылдамдығы 15-18 м/с жетеді.
Атырау облысында қар жауып, бұрқасын болады. Түнде және таңертең шығыс пен оңтүстікте тұман күтіледі. Атырау қаласында 2 наурызда кей уақыттарда қар жауып, бұрқасын болады.
Қостанай облысында қар жауып, бұрқасын болады. Батыс, шығыс және солтүстік аудандарда тұман түсуі мүмкін. Қостанай қаласында синоптиктер тұман күтілетінін болжады.
Ақтөбе облысында қар жауып, бұрқасын болады. Түнде облыстың шығысында қатты қар күтіледі.
Түркістан облысында, сондай-ақ Түркістан мен Шымкентте 2 наурызда жаңбыр жауады. Түнде тұман түсуі мүмкін.
Солтүстік Қазақстан облысында бұрқасын күтіледі. Батысы мен оңтүстігінде тұман болуы мүмкін.
Қарағанды, Шығыс Қазақстан, Жетісу және Абай облыстарында тұман күтіледі.
Ұлытау облысында қар жауып, бұрқасын соғады. Жолдарда көктайғақ болуы мүмкін.
