Астанадағы вокзалда 8 келі «мефедрон» салынған чемодан тәркіленді

Астананың теміржол вокзалы аумағында 24 жастағы жігіт ұсталды. Одан жалпы салмағы 8 килограмнан астам «мефедроны» бар жол чемоданы тәркіленді.

Алматыдан келген күдікті есірткіні Астанаға жасырып, таратуды көздеген.

«Ұсталған адамның 21 жастағы сыбайласымен бірге әрекет еткені анықталды. Екінші күдікті Қарағандыда пойыздан түсіп қалған. Ол да ұсталып, одан шамамен 600 грамм синтетика тәркіленді.

Жедел шаралардың нәтижесінде есірткі сату схемасына қатысы бар тағы бір күдікті – 30 жастағы ер адам анықталды.

Барлық фигуранттар уақытша ұстау изоляторына қамалды. Басқа да күдіктілерді анықтау бойынша жұмыс жүргізілуде», - деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.