134
Шымкенттегі аттракциондар саябағы өртенді
Төбе астында орналасқан ойын автоматтарынан өрт шығып, жалын екі қабатты мейрамхана шатыры мен екі кеңсе бөлмесіне тараған.
Шымкентте аттракциондар саябағының аумағында орналасқан ойын автоматтарында өрт шықты. Қызыл жалын екі қабатты мейрамхана шатыры мен екі кеңсе бөлмесіне тараған. Өрт сөндірілді, зардап шеккендер жоқ.
Оқиға Әл-Фараби ауданы Тәуке хан даңғылы бойында орналасқан аттракциондар саябағында болған. Төбе астында орналасқан ойын автоматтарынан өрт шығып, жалын екі қабатты мейрамхана шатыры мен екі кеңсе бөлмесіне тараған.
«Өрт сөндірушілер жалпы ауданы 230 шаршы метрді құрайтын өртті сөндірді. Зардап шеккендер жоқ, өрттің себебі анықталып жатыр», - делінген ТЖМ хабарламасында.
