170
Australian Open: Әмір Омарханов екінші айналымға жолдама алды
Өткен жылы Аустралия ашық чемпионатының ширек финалына дейін жеткен Әмірдің келесі қарсыласы жақын уақытта белгілі болады
Әмір Омарханов жасөспірімдер арасындағы Аустралия ашық чемпионатының екінші айналымына өтті.
ITF рейтингісінде жасөспірімдер арасында төртінші орында тұрған қазақстандық теннисші алғашқы матчында әлемнің 45-ракеткасы, америкалық Матис Фарзаммен кездесті. Қарсыластар арасындағы тартысты ойын екі сет бойы жалғасып, Әмірдің пайдасына шешілді – 7:6 (7:3), 7:6 (10:8).
Өткен жылы Аустралия ашық чемпионатының ширек финалына дейін жеткен Әмірдің келесі қарсыласы жақын уақытта белгілі болады.
