Павлодар облысында жантүршігерлік жол апатынан 3 адам қаза тапты

Павлодар-Семей автожолында«Kia Sportage» автомашинасының жүргізушісі қар жинайтын машинаны басып озған кезде, қарсы қозғалыс жолағына шығып, КамАЗ автомашинасымен бетпе-бет соқтығысқан. Бұл туралы turkystan.kz сайты Pavlodarnews.kz-ке сілтеме жасап хабарлады.

Облыстық полиция департаменті баспасөз қызметінің мәліметінше, оқиға 8 қаңтар күні сағат 21-00-де Павлодар-Семей автожолында, Аққулы ауданының Тілектес ауылының маңында болған. Аталған факті бойынша қылмыстық іс қозғалды.

«Жол-көлік оқиғасы салдарынан жүргізуші мен екі жолаушы оқиға орнында қайтыс болды. Сондай-ақ, жарақаттармен ауруханаға «Kia» жолаушысы жатқызылды. Автокөліктер арнайы тұраққа қойылды», – деді департаментте.

Полиция департаменті жол қозғалысына қатысушыларға мұндай оқиғалардың алдын алу үшін көлік көп жүретін жерлерде жылдамдық режимін сақтау және көлік құралының техникалық жағдайын бақылау маңызды екенін еске салады.