Тағы төрт облыста ауа райына байланысты жолдар жабылды
Барлық аталған жолдарды 8 қаңтар күні сағат 08:00-де ашу жоспарланып отыр
ҚазАвтоЖол компаниясы бірнеше облыста жолдардың жабылатыны туралы мәлімдеді.
Қызылорда облысы:
7 қаңтар күні сағат 19:00-де республикалық маңызы бар «Қызылорда-Жезқазған» автожолының 12-216 шақырым аралығында (Қызылорда қаласынан Ұлытау облысының шекарасына дейін) көлік қозғалысына шектеу қойылды.
Жолды 8 қаңтар күні сағат 08:00-де ашу жоспарланған.
Ұлытау облысы:
7 қаңтар сағат 19:00-де ауа райының нашарлауына байланысты «Қызылорда-Павлодар» автожолының 216-424 шақырым аралығында (Қызылорда облысы шекарасынан Жезқазған қаласына дейін) көлік қозғалысы тоқтатылды.
Жолды 8 қаңтар күні сағат 08:00-де ашу жоспарланған.
Қостанай облысы:
7 қаңтар сағат 20:00-де «Жезқазған-Петропавл» автожолының 339-377 шақырым аралығында (Арқалық қаласынан Ақмола облысының шекарасына дейін) барлық көлік түріне қозғалысқа шектеу енгізілді.
Ақмола облысы:
7 қаңтар сағат 20:00-де «Жезқазған-Петропавл» автожолының 377-440 шақырым аралығында (Қостанай облысы шекарасынан Державинск қаласына дейін) көлік қозғалысы тоқтатылды.
Барлық аталған жолдарды 8 қаңтар күні сағат 08:00-де ашу жоспарланып отыр.
