199
Жамбыл облысында туған анасын пышақтап өлтірген адамға сот үкімі шықты
Қылмыс 2024 жылдың қыркүйек айында болған.
Анасын өлтірген Жамбыл облысының тұрғыны 13 жылға сотталған. Алайда ер адам сот шешімімен келіспеген.
Қылмыс 2024 жылдың қыркүйек айында болған. Жамбыл облысының тұрғыны мас күйінде анасын пышақтаған. Анасы алған жарақатынан көз жұмды.
«Сот отырысында сотталушы өлтіру ниетінің жоқтығын және барлығы кездейсоқ болғанын айтып, өкініп, кінәсін ішінара мойындады», - деп түсіндірді соттың баспасөз қызметі.
Жазамен келіспеген сотталушы бас бостандығынан айыру мерзімін қысқартуды сұрады.
Апелляциялық шағым қанағаттандырылмай, сот үкімі өзгеріссіз қалды.
