Қазақстанның былтырғы күзде қанша астық экспорттағаны белгілі болды

2024 жылдың қыркүйегінен 25 желтоқсанына дейін 3,7 млн тонна жаңа дақыл экспортталды, деп хабарлады turkystan.kz.

АШМ мәліметінше, бұл 2023 жылдың сәйкес кезеңінен 54% жоғары (2,4 млн тонна).

Өзбекстанға экспорттың өсуі 44% (994 мың тоннадан 1 427 мың тоннаға дейін), Тәжікстанға - 53% (385 мың тоннадан 589 мың тоннаға дейін), Ауғанстанға - 52% (120 мың тоннадан 182 мың тоннаға дейін), Қырғызстанға - 22% (59 мың тоннадан 72 мың тоннаға дейін). Иранға экспорт (Ақтау порты арқылы) 30,2 есеге, 14 мың тоннадан 435 мың тоннаға дейін ұлғайтылды, - делінген мәліметте.

Жалпы, 2024 жылдың 11 айында 9,2 млн тонна астық жүктері тасымалданды, оның ішінде ішкі қатынастар бойынша 2,2 млн тонна және экспортқа 7 млн тонна.