346
Түркістан облысында 60 көлік жолда қалған
23 жеңіл көлік пен 37 жүк көлігі қар құрсауында қалды.
Түркістан облысында полиция боранды күні таулы аумақта жолда қалған 60 көлікке көмек көрсетті, деп хабарлады turkystan.kz.
Созақ ауданы Екпінді-Бірлік тас жолында жол жиегіне шығып кеткен DAF маркалы ауыр жүк көліктерін полиция қызметкерлері қауіпсіз орынға шығаруға көмектесті.
Түркістан облысының полициясы жалпы 23 жеңіл көлік пен 37 жүк көлігіне көмектесті. Кейбірінде сақшылар ұзақ жолдан келе жатқан ауыр жүк көліктерінің жүргізушілеріне ыстық шәй мен тағам жеткізіп берді.
Азаматтар полиция қызметкерлеріне шынайы алғыстарын білдірді.
