164
Батыс Қазақстанда жол апатынан 2 адам қаза тапты
Аталған дерек бойынша сотқа дейінгі тергеу амалдары жүргізіліп жатыр.
21 желтоқсан күні Чапаев-Жаңақала жолында жол апаты болып, екі адам көз жұмды. Бұл туралы БҚО полиция департаменті мәлімдеді.
«ВАЗ-2110» және «Лада Приора» автокөліктері бетпе-бет соқтығысты. Салдарынан «ВАЗ-2110» автокөлігінің жүргізушісі мен жолаушысы оқиға орнында жан тапсырды. Сондай-ақ «ВАЗ-2110» автокөлігінде отырған тағы 2 адам және «Лада Приорадағы» 2 жолаушы ауруханаға жатқызылды. Қазіргі кезде аталған дерек бойынша сотқа дейінгі тергеу амалдары жүргізіліп жатыр», – деп хабарлады ведомстводан.
