309
Жаңаөзен қаласының кіреберісіне ерекше арт-нысан орнатылды (ВИДЕО)
Жаңаөзен қаласының кіреберісіне биіктігі 6 метр болатын ерекше «Домбыра» инсталляциясы орнатылды.
Бұл жарқыраған арт-объект түнгі уақытта қалаға ерекше көрік беріп, заманауи дизайн мен ұлттық рухты үйлесімді түрде бейнелейді, деп хабарлады turkystan.kz қала әкімдігінің баспсөз қызметіне сілтеме жасап.
«Инсталляцияның негізгі мақсаты – қазақтың үні мен асыл мұрасын насихаттау және жастардың санасына ұлттық құндылықтарды сіңіру. Домбыра – қазақ халқының мәдениетінде терең мағынаға ие аспап, ел руханиятының символы. Бұл жоба қала тұрғындары мен қонақтарының ұлттық өнерге деген қызығушылығын арттыруға және қазақ мәдениетінің ажырамас бөлігі – домбыраны жаһандық деңгейде насихаттауға бағытталған. Сонымен қатар, инсталляция мәдени және туристік маңыздылығы бар нысан ретінде қалаға жаңа серпін береді», – деп жазылған хабарламада.
