"سەۆول" پارومى سۋ بەتىنە شىعارىلدى

وڭتۇستىك كورەيادا 2014 جىلى اپاتقا ۇشىراعان «سەۆول» پارومى سۋ بەتىنە شىعارىلىپ، تەكسەرۋ جۇمىستارى باستالدى، دەپ حابارلايدى 24.kz ارناسى.

ارنانىڭ حابارلاۋىنشا، «سەۆول» پارومىنىڭ قاڭقاسىنان ەشقانداي سوققى بەلگىلەرى بايقالماعان. بۇعان دەيىن ماماندار كەمە سۋ استىندا قاتتى زاتقا سوعىلىپ، زاقىمدانۋى مۇمكىن دەگەن بولجام جاساعان بولاتىن.

قازىر تۇڭعيىقتان شىعارىلعان «سەۆول» جۇك تاسىمالداعىش سۋ كولىگىنە تيەلدى. الداعى 3-4 كۇن ىشىندە ونداعى جانارماي مەن قالدىق سۋ توگىلىپ، موكپحو پورتىنا جەتكىزىلۋى ءتيىس. ال اپات بولعان ايماققا سۇڭگۋىرلەر ءتۇسىپ، پاروم جاتقان جەردى زەرتتەيدى جانە ءالى كۇنگە دەيىن تابىلماعان ادامداردى ىزدەيدى.

ەسكە سالا كەتەيىك، «سەۆول» پارومى 2014 جىلدىڭ 16 ساۋىرىندە سۋعا باتىپ كەتكەن بولاتىن. اپاتتان 295 ادام قازا تاپتى. ولاردىڭ دەنى 15 پەن 19 جاس ارالىعىنداعى مەكتەپ وقۋشىلارى. وقىس وقيعادان كەيىن 9 ادام ءىز-ءتۇزسىز جوعالىپ كەتتى.

ۇقساس جاڭالىقتار

Back to top button