Астанада жолаушылар автобусы өртенді

Елорданың Мәңгілік ел даңғылында автобус отқа оранды, деп хабарлайды turkystan.kz.

Қоғамдық көлік министрлер үйінің жанында 51-маршруттағы автобус өртенген. Жолаушылардың айтуынша, алдымен күйік иісі шыққан. Автобус жүргізуші жолаушыларды көліктен шығарып үлгерді.

Зардап шеккендер туралы ақпарат жоқ. Өрттің себебі анықталуда.