«Қазпошта» басшысы қанша жалақы алатынын айтты
Ол қолына 1,2 миллион теңге «таза» алатынын айтты.
Мәжілісте «Пошта туралы» заңға өзгерістер мен толықтырулар бекітілгеннен кейін «Қазпошта» АҚ басқарма төрайымы Әсел Жанасова алатын жалақысын мәлім етті.
Ол қолына 1,2 миллион теңге «таза» алатынын айтты. Бұл ретте пошташылар орта есеппен 160 мың теңге алады. Кейбіреулер толық емес жұмыс күн қызмет істейді, өйткені шалғайдағы ауылдарға хат сирек келеді және жұмыс көп емес.
«Пошта бөлімшесінде тек пошташылар қызмет істемейді. Бізде жүргізушілер, сұрыптаушылар, операторлар бар.Жалақы әртүрлі. Пошташылар жарты күн жұмыс істейтін аймақтар бар. Олар толық күн жұмыс істемейді. Үшінші ауысымда сұрыптаушы түнде шықты делік. Ай сайынғы жалақысының үштен бірін алады. Ал адамның жалақысы аз болғанымен, шын мәнінде үш-төрт жұмысы бар сияқты», – дейді Әсел Жанасова.
Ол ұйымның жалақыны жыл сайын арттыратынын атап өтті. 2023 жылы ауылдағы өндірістік персонал үшін 25%-ға өсті. Биыл – тағы 15%-ға. Поштада негізінен әйелдер жұмыс істейді, шамамен 85%.
2022 жылы өңірлердегі пошташылар айына орташа есеппен 90 мың теңге жалақы алды.
