224
Алматы облысында болған жол апатынан бір адам қаза тапты (ВИДЕО)
Төрт адам жарақат алған.
Жамбыл ауданындағы «Алматы-Бішкек» автожолының 76 шақырымында жол-көлік оқиғасы болды деп хабарлады turkystan.kz.
Алдын ала болжам бойынша, дөңгелектің жарылуына байланысты Nissan Elgrand көлігінің жүргізушісі рульге ие бола алмай, Toyota Land Cruiser 300 автокөлігіне соғылған. Сондай-ақ инерция әсерінен Nissan Elgrand ағашқа да соғылған.
Апат салдарынан Nissan Elgrand жолаушысы салоннан қарамақарсы жолаққа ұшып кетіп, Lexus GS 300 көлігінің астына түскен. Жолаушы оқиға орнында көз жұмды. Түрлі жарақаттары бар тағы төрт жолаушы аудандық ауруханаға жатқызылды.
ЖКО фактісі бойынша қажетті сараптамаларды тағайындаумен қылмыстық іс қозғалды.
