249
2 адамды құтқарып қалған полицей «Ерлігі үшін» төсбелгісімен марапатталды
Награданы Президенттің тапсырмасымен Түркістан облысының әкімі Дархан Сатыбалды табыс етті.
Екі адамды құтқарған тәртіп сақшысы «Ерлігі үшін» төсбелгісімен марапатталды. Бұл туралы Ішкі істер министрлігінің баспасөз қызметі мәлімдеді.
«Жаса, жайна, Қазақстан!» салтанатты іс-шарасында Кентау қаласының учаскелік полиция инспекторы Есімхан Бағзатханға «Ерлігі үшін» төсбелгісі табысталды.
Есімхан Бағзатхан екі рет адам өмірін құтқарып қалған. Атап айтқанда, пәтерде жалғыз өзі құлыптанып қалған 3 жастағы бүлдіршінді 5-қабаттың балконы арқылы ішке кіріп, құтқарған. Сондай-ақ, 4-қабаттың терезесінен секірмек болған ер жігітті де дер кезінде ажалдан арашалады.
Награданы Президенттің тапсырмасымен Түркістан облысының әкімі Дархан Сатыбалды табыс етті.
