Елордада "Қазақ жәдігерлері" атты мерекелік концерт өтті
Бүгін елордадағы орталық саябақта Республика күніне орай «Қазақ жәдігерлері» атты мерекелік концерт өтті.
Астанадағы күн суықтығына қарамастан, іс-шара «Наз» мемлекеттік би театрының орындауындағы ұлттық билерді тамашалауға және эстрада жұлдыздарының орындауындағы халық әндерін тыңдауға келген көптеген көрерменді жинады.
Бүгін бір өте қызықты іс-шара болды. Бимен бойды қыздырсақ, әнмен жүректі тербетіп, бір шабыттандық. Ауа-райы қуанышты атмосфераға кедергі келтірмеді, өйткені мұндай іс-шаралар жүректі Отан үшін мақтанышпен толтырады», – деді концертке келуші Шынар Құдайбергенова.
Концерт тұрғындарға еліміздің бірлігі мен мәдени байлығын сезінуге мүмкіндік берген жарқын оқиға болды.
Айта кетейік, елордада республика күніне орай 100-ден астам іс-шара өткізілуде. Мереке күндері Астанада мәдени-бұқаралық, білім беру, спорттық және әлеуметтік іс-шаралар, соның ішінде мерекелік концерттер, көрмелер, дөңгелек үстелдер және ұлттық спорт түрлері бойынша турнирлер өтуде.
Сондай-ақ, мереке құрметіне Астанада мерекелік отшашу ұйымдастырылады. Отшашу 25 қазанда сағат 21:00-де Триатлон саябағында (Пирс ауданы) іске қосылады.
