Алматыда дәрігерлер асқазан обыры бар 94 жастағы науқасқа сәтті ота жасады
Алматы онкологиялық орталығына асқазанның қатерлі ісігі диагнозы қойылған 94 жастағы қария түскен.
Қартайғанына және онымен байланысты тәуекелдерге қарамастан, орталық мамандары хирургиялық араласу туралы шешім қабылдаған.
«Көбісі науқастың жасы мен жағдайын ескере отырып, ота жасаудан бас тартты. Бірақ барлық қажетті тексерулерді жүргізіп, оның жағдайы ECOG шкаласы бойынша 1-2 баллға бағаланғанын, бұл оның белсенділігін азды-көпті сақтап қалғанын ескеріп, біз науқастың жалғыз мүмкіндігін пайдалануды ұйғардық. Резекция операциясы жасалды, оның барысында асқазанның 3/4 бөлігі алынды. Операция сәтті өтті. Жүз жасқа дейін өмір сүреді деп сенемін», – дейді бөлім басшысы Нұрлан Балтаев.
Бұл диагноздың күрделілігіне қарамастан, онкологиялық науқастардың физикалық белсенділігі мен өмір сапасын бағалау үшін қолданылатын ECOG шкаласы бойынша пациенттің жағдайы оған осындай күрделі араласудан өтуге мүмкіндік берді.
Асқазанның қатерлі ісігі Қазақстанда кең тараған онкологиялық патологиялардың бірі және соңғы сатыдағы көптеген науқастарға операция жасау мүмкін емес.
Хирургтардың, анестезиологтардың және медициналық қызметкерлердің үйлесімді жұмысының арқасында науқастың жағдайы тұрақталды.
