381
Алматыда автобус жүргізушісімен төбелескен азамат таспаға түсіп қалды
Алматыда жаяу жүргіншілер автобус жүргізушісімен төбелескен азаматты видеоға түсіріп алған.
Оқиға бүгін таңертең Назарбаев даңғылында болған, деп хабарлайды turkystan.kz.
«Ер адам автобустың жабық тұрған есігін тепкен. Содан кейін автобус жүргізушісі шығып, оған ұрыса бастаған. Сол кезде ер адам қолына әлдебір зат алып, жүргізушіні қорқытқан», - делінген видео жазбасында.
Алматы Полиция департаменті қазір видеожазбаны зерттеп жатыр.
«Аталған факті бойынша тексеріс жүргізілуде. Оқиғаның мән-жайы анықталып жатыр. Жанжалға қатысқан әр тараптың іс-әрекетіне құқықтық баға беріліп, ҚР заңнамасына сәйкес шаралар қабылданады», - деді полиция.
