Келіншек өзін жұмысқа тұрғызамын деп алдап, ақша алған танысының үстінен арыз жазған.
Ұлытау облысының Полиция департаментінің хабарлауынша, 2023 жылы ер адам оған «Қазақмыс» корпорациясына оператор-бағдарламашы лауазымына жұмысқа тұрғызамын деп уәде берген.
«400 000 теңге ақша қаражатын алған. Тергеу шараларының барысында күдікті анықталды. Ол Сәтпаев қаласының 30 жастағы тұрғыны болып шықты», - деді полиция.
Күдікті ұсталып, уақытша ұстау изоляторына қамалған. Қылмыстық іс тергеу сатысында.
