Мейрамбек Бесбаев қызының есімін Әбдіжаппар Әлқожаға қойғызды
Бесбаев Әбдіжаппар Әлқожаға азан шақырып, сәбиінің есімін қою мәртебесін берген.
Белгілі әнші Мейрамбек Бесбаев үшінші сәбиінің дүниеге келгенін жақындарының ортасында атап өтті. Өнер иесі көпшілік алдына Әбдіжаппар Әлқожаны алып шығып, оған алғысын айтты.
Мейрамбек Бесбаев келіншегі мен перзенті үйге оралған соң, үлкен дастархан жайып, құттықтап келген көпшілікке алғысын айтты. Олардың арасынан өнер иесі Әбдіжаппар Әлқожаны ерекше атап өтті.
«МузАрт» әншісі Әбдіжаппар Әлқожаға азан шақырып, сәбиінің есімін қою мәртебесін берген.
«Әбджіппарды ортаға алып, әңгімені осыдан бастасам деп тұрмын. Досы екеуі «Аға , көкпар беріңіз» деді. Содан ниеттенейікші деп, Тараздың төрінде үлкен көкпар бердік. Артынша елдің дұғасы қабыл болып, Айзиядай қызымыз келіп отыр. Ең бірінші осы хабарды естіген кезде мен Әбдіжаппарға хабарластым. «Келші, ешкімге айтпайтын сырым бар» дедім. Қуанышым қойныма сыймай жатты. «Әбдіжаппар, сенің осы кішкентай ниетіңе осындай жағдайлар болды. Құдай қаласа, ұл бола ма, қыз бола ма, атын өзің қойып, азан шақырасың» дедім. Бұл қожаның баласы ғой. Көп нәрсені бізден жақсы біледі», – деді Мейрамбек Бесбаев.
