600 жылдық тарихы бар британдық театрдан Шекспир заманына апаратын жасырын есік табылды
Ұлыбританиядағы қазірге дейін жұмыс істеп тұрған ең көне театрда әйгілі ағылшын драматургы Уильям Шекспирдің грим бөлмесіне апаратын 600 жылдық керемет есік анықталды.
600 жылдықтарихы бар британдық театрдан Шекспир заманына апаратын жасырын есік табылды, деп хабарлайды euronews.com.
Ұлыбританиядағы қазірге дейін жұмыс істеп тұрған ең көне театрда әйгілі ағылшын драматургы Уильям Шекспирдің грим бөлмесіне апаратын 600 жылдық керемет есік анықталды.
Екі хабарландыру тақтасы алынған кезде, 18-ші ғасырдың қабырғасы көрінген. Бұл қабырғаның кірпіштері алынғанда, одан да ескі арка пайда болған.
«Бізде сол кезеңге тиесілі есік бар, онда, біздің ойымызша, Шекспир өнер көрсеткен, және бұл, шамасы, актерлер киініп, реквизит сақтаған бөлмеге апаратын есік болған», – деді ФицХигэм The Guardian басылымына берген сұхбатында.
1445 жылы алғашқы қойылымдар өткен Әулие Георгий ратушасы Шекспир дүниеге келмес бұрын да сол дәуірдің театр өмірінде маңызды рөл атқарған. Ратуша гастрольдік топтар, соның ішінде 1583 жылы королева Елизавета І бұйрығымен құрылған Queen Elizabeth's Men труппасы үшін танымал орын болды, олар 1500 жылдардың соңында сол жерде он рет өнер көрсеткен.
Шығыс Англия университетінің профессоры Мэтью Вудкок жүргізген соңғы зерттеулер лондондық театрлар обаға байланысты жабылған 1593 жылы Шекспир Пембрук графының труппасымен бірге гильдия ғимаратында өнер көрсеткен деген жергілікті сенімді растады.
Бүгінгі таңда I санаттағы архитектуралық ескерткіштер тізіміне кіретін ратуша – Англияда Шекспир өнер көрсеткен жалғыз белгілі театр және Англияда сақталып қалған ең үлкен ортағасырлық гильдия ғимараты.
