295
Шымкентте «жазаны жеңілдетемін» деген жалған адвокат сотталды
Прокуратураның мәліметінше оның адвокаттық қызметпен айналысуға тиісті құқығы болмаған.
Сөйте тұра ол күдіктінің туысқанынан «қылмыстық істі қысқартуға көмектесемін» деп ақша сұраған. Алайда күдіктінің туысқаны оның пиғылын түсініп, бірден сыбайлас жемқорлыққа қарсы қызметке жүгінген.
Жалған адвокат 10 млн теңге мөлшерінде пара алу кезінде ұсталды. Шымкент соты оны алаяқтық және жемқорлық бабымен айыпты деп тауып, төрт жылға бас бостандығынан айырды.
