Бурабайдағы орталықта демалып жүрген 10 бала ауруханаға жеткізілді
Балалар Павлодар қаласындағы балалар үйінің тәрбиеленушілері.
Бурабайға демалуға келген 10 бала науқастанып, Щучьедегі көпбейінді балалар ауруханасына жеткізілді. Бұл туралы Ақмола облысы денсаулық сақтау басқармасының баспасөз қызметі мәлімдеді.
Басқарманың мәліметінше, балалар Павлодар қаласындағы балалар үйінің тәрбиеленушілері, 2024 жылдың 30 маусымынан бастап, «Edelweiss borovoe» балаларды сауықтыру орталығында демалып жатқан.
«7 шілде күні сағат 11:30 шамасында 10 бала науқастанып, Щучьедегі көпбейінді балалар ауруханасына түсті. Жедел жәрдем бөлімінде балаларды инфекционист, отоларинголог қарады, ЖРВИ-де жұтқыншақтан тампондар алынды. Ковидке ПТР, ротавирусқа және энтеровирусқа нәжіс, менингококкқа жұтқыншақ жағындысы, жұтқыншақтан бакпосев, мұрыннан БЛ жағындысы, ОАК алынды. Екі балаға ОГК рентгені жасалды. Үш балаға бұлшық ет антибиотиктері, қалғандарына ішу арқылы антибиотиктер, жұтқыншақты шаю емі тағайындалады», - делінген хабарламада.
Дәрігерлер алты балаға тонзиллит, екі балаға бронхит, бір балаға ларинготрахеит және тағы бір балаға назофарингит диагнозын қойған.
