428
Мемлекет басшысы Финляндия Президентімен телефон арқылы сөйлесті
Финляндия тарапының бастамасымен өткен әңгімелесу барысында мемлекеттер басшылары екіжақты күн тәртібінің өзекті мәселелерін талқылады.
![Мемлекет басшысы Финляндия Президентімен телефон арқылы сөйлесті](https://turkystan.kz/cache/imagine/1200/uploads/resized-images/2024/05/1716313553.jpeg)
Мемлекет басшысы Финляндия Президенті Александр Стуббпен телефон арқылы сөйлесті, деп хабарлады turkystan.kz.
Қасым-Жомарт Тоқаев пен Александр Стубб сауда-экономикалық және инвестициялық ықпалдастықты нығайтуға баса мән бере отырып, қазақ-фин байланыстарын барлық бағыт бойынша одан әрі қарқынды дамытуға өзара мүдделі екенін білдірді.
Тараптар көпжақты ұйымдар аясындағы қарым-қатынастарды одан әрі нығайту мәселелері жөнінде пікір алмасты. Мемлекет басшысы Финляндияның 2025 жылы Еуропадағы қауіпсіздік және ынтымақтастық ұйымына төрағалық қызметіне табыс тілеп, Қазақстанның конструктивті ықпалдастықты жалғастыруға дайын екенін растады.