637
Талдықорғанда пәтерде қамалып қалған 4 жасар бала құтқарылды
Бала зардап шеккен жоқ.
Талдықорғанда ТЖМ қызметкерлері 4 жасар баланы құтқарды, деп хабарлады turkystan.kz.
Оқиға қалалық көпқабатты үйлердің бірінде болған. Ересектердің қарауынсыз қалған бала 5-қабаттағы пәтерде қамалып қалған.
«Құтқарушылар балкон арқылы арнайы жабдықтың көмегімен пәтерге кіріп, есікті аша алды. Құтқарушылардың үйлестірілген әрекеттерінің нәтижесінде бала ата-анасына аман-есен берілді», - делінген хабарламада.
Бала зардап шеккен жоқ, медициналық көмекке мұқтаж емес.
